Sa interbyu sa DXDC RMN Davao kang Dean Ortiz, tigpamaba sa DPWH-XI, gibutyag niini nga tungod sa pila ka oras nga sunog sa ilawom, labing naapektuhan ang structure sa Bolton Bridge 1 (Southbound). Samtang, gisirado usab ang Bolton Bridge 2 (Northbound) diin kini sutaon kung luwas pa nga maagian sa motorista o kaha nanginahanglan nga i-repair.
Sa pagkakaron, gitambagan ni Ortiz ang mga motorista nga muagi sa ubang tulay o agianan sa syudad samtang temporaryo pang gisirad-an ang tulay nga apektado sa sunog.
“As early as now, iplano na nato ang atong mga lakaw ug diri na ta muagi sa existing pa nato nga tulay sama sa Generoso Bridge 1 and 2, didto sa Marfori, ug didto sa Davao River. Pwede pud didto sa Waan banda, diri mo agi sa Magtuod,” sulti ni Ortiz.
Gitahasan usab sa DPWH official ang Barangay nga maplastar ang mga residente o pamilyang namuyo ilawom sa tulay diin gipasabot niini nga dili angay papuy-an ang maong area tungod sa kadelikado niini ilabina sa pagtaas sa tubig panahon sa pag-ulan.
RadyoMaN Kirby Manzon
