Davao City – Gipaniguro karon sa Department of Public Works and Highways (DPWH) nga maayo na karong bulana, Nobyembre ang minor damaged sa Bolton bridge 2 ning syudad sa Davao human sa pagbaton niini’g ‘crack’ tungod sa nasinatiang linog sa dakbayan.
Sa interbyu sa DXDC RMN Davao kang Dean Ortiz, spokesperson sa DPWH-XI, gibutyag niini nga gamay lang sumala pa nga problema ang nahiaguman sa maong tulay ug karon nga bulan gikatakdang mahuman na ang maong pag-ayo.
“Dili na ta maabtan og Enero siguro. Karong bulana lang na nato maayo kay gamay ra man pud ang problema,” saysay ni Ortiz.
Gibutyag ni Ortiz nga mamahimo gihapon kining agi-an sa mga motorista gawas lamang sa mga dagkong truck o mga sakyanan nga mukarga og kapin 20 tons ang gimbug-aton diin gitambagan ang nahisgutan nga laing dalan lang usa ang gamiton.
“Ginapahimangnoan nato atong mga kaigsoonan nato nga adunay truck, mga truck drivers, mga truck owners nga mo-divert lang sa for the meantime. Other than that, tanang national roads and bridges nato sa sa tibuok rehiyon passable,” dugang niini.
RadyoMaN Kirby Manzon
