Davao City – Sikop sa Sta Ana Police sa buy bust operation alas 9:00 sa gabii sa Purok 4, Brgy 76-A Bucana siyudad sa Davao ang usa ka Surveyor sa Department of Public Works and Highways (DPWH) nailang Oscar Fama, alias Pong, 38 anyos, residente sa Purok 5, PNP Compound, Brgy. 38-D ug sikop usab sila mao si Jeffry Asis, 39 anyos, taga-Brgy.76-A Bucana, Recon De Rosas Abapo, 39 anyos, nagpuyo sa Mabini Boulevard Brgy. 31-D, Baldwin Chuck Bermudez, 29 anyos, nagpuyo sa Magallanes Street, Davao City ug Sheila Sumeli, 32 anyos, residente sa Km. 10 Catalunan Pequeño, ning siyudad.
Sumala pa malampuson napalitan sa kapolisan ang lima ka mga suspek ug usa ka sachet nga gituohan shabu ug laing lima ka pakite nga shabu ang narekober sa posisyon sa mga suspek, estimated street market value P10,000.00 lakip nakumpiska ang usa ka cellphone ug mga illegal drug paraphernalia.
Gikonsidera sa kapolisan nga si Oscar Fama nga usa ka high value target subay sa monitoring sa kapolisan nga sagad kustomer sa mga suspek mga miyembro sa gang ug mga laborer sa nasangpit nga Barangay.
Ang lima mag-atubang og kasong kalapasan sa Republic Act 9165 (Comprehensive Dangerous Drugs Act of 2002).
RadyoMaN Don Pulayao
