General Santos City—Gihingusgan karon ni Department of Public Works and Highways (DPWH) GenSan District Engr. Rey Francisco nga blangko matud pa ang ilahang buhatan sa nabulabog nga isyu nga may kalabutan sa matud pa sa anomalyang P8.7 billion nga road right of way scam.
Matud pa kang Engr. Francisco nga nangayo na kaniya ang pipila ka mga personahe sa CIDMB may kalabutan sa maong isyu apan nanghimakak kining may kasayuran ang iyahang buhatan.
Giklaru usab niini sa pakighinabi kaniya sa RMN Gensan nga tuig 2009 pa ang maong proyekto nga gikaingon sa Department of Justice rason nga wala kini kasayuran sa maong isyu.
Samtang gikumperma usab ni Engineer Fracisco nga may kasayuran kining aduna mga indebedwal nga nabayaran sa gikaingong road right of way apan wala silay hawid nga mga listahan sa kung kinsa ang nabayaran.
Kahibaluan nga mimando na karon si DOJ Secretary Vitaliano Aguirre ngadto sa National Bureau of Investigation kon NBI nga imbestigahan ang maong maanomalusong transaksiyon sa paghatag og mga pike nga mga titulo aron mabayran matud pa ang mga bugos usab nga mga nanag-iya sa luna. (Emir Bariquit)
