Davao City- Hitsas na ang District Engineering Offices sa Department of Public Works and Highways kun DPWH XI alang sa 2017 “Lakbay Alalay” motorist roadside assistance centers.
Gipangmungtar ang maong centers sa mga strategic areas sa tibuok rehiyon onse sugod kaganinang alas 5 sa hapon kutob alas 12 sa udto sa Nobyembre 2.
Sa Davao City, ang assistance centers anaa sa Junction Road – Quimpo Boulevard, (Lion’s Club waiting shed), Davao Bukidnon Road (Toril st.), Davao-Cotabato Road atbang sa St. Peter’s Toril.
Samtang sa Davao Oriental, sa Diosdado Macapagal Highway gipangmungtar ang mga centers diha sa Badas View Deck, Jct. Manikling, Pintatagan Welcome Ark, atbang sa Carmen Public Market, Junction Baculin, Makahigat, duol sa Shell Gasoline Station, atbang sa Tarragona Municipal Hall, lakip na diha sa Manikling – Gov. Generoso Road.
Makit-an usab kini sa Davao del Sur diha sa Davao-Cotabato Road duol sa Lion’s Club monument samtang sa Malalag-Malita-Glan Road (DPWH office/SPAMAST Brgy. Buhangin, Malita sa Davao Occidental, sa Daang Maharlika duol sa Nabunturan cemetery sa Compostela Valley ug gimungtar sa Daang Maharlika (DPWH Ddn DEO), Canocotan Tagum City ang assistance center sa Davao del Norte.
Sumala sa DPWH XI, og magkinahanglan man og asistinsiya ang mga motorista sama sa mechanical concerns, andam mutabang ang mga personahe sa DPWH.
RadyoMaN Renz Barbarona
