DPWH-XI: Gipasabot ang pagkadelatar sa paghuman sa drainage project

Davao City – Gipasabot sa Department of Public Works and Highways (DPWH-XI) nga adunay mga rason kung nganong nalangan ang ilang proyekto partikular na ang drainage project atubangan usa ka mall sa Bajada, Davao City.

Sa interbyu sa DXDC RMN Davao kang Dean Ortiz, tigpamaba sa DPWH-XI, gibutyag niini nga 80% na ang completion sa nahisgutang proyekto diin target niini nga mahuman sa Marso karong tuiga, 2023.

Gisaysay ni Ortiz, nalangan ang proyekto tungod sa nasinatiang kusog nga mga pag-ulan ug limitadong oras sa pagtrabaho diin gabii hangtud kaadlawon lamang ang giaprubahan sa traffic board.

“Kung wala lang unta nay mga problema along our construction site, dire-diretso man atong trabaho. But we also have to consider the inconvenience that it will bring sa mga motorista ilabi na kung trabahoon nato during peak hours,” tataw ni Ortiz.

Nasayrang usa ang drainage project sa Bajada sa mga natanggong nga mga proyekto sa DPWH-XI nga gihisgutan ug gikwestyon sa Davao City Council.

RadyoMaN Kirby Manzon