Davao City – Giklaro karon ni Public Safety and Security Command Center (PSSCC) Head Angel Sumagaysay nga mga medical authorities maoy nag-rekomendar ngadto sa City Government nga ipatuman ang Davao QR Code ubos sa Executive Order No. 60 Series of 2020.
Segun ni Sumagaysay, ang DQR magseguro nga kalikayan ang virus infection diha sa pagpuli-puli og gamit sa mga tawo sa lapis o ballpen kung magsulat sila sa ilang impormasyon diha sa logbook sa mga establisimyento nga ilang pagasudlan.
Gibutyag ni Sumagaysay nga dili makahasol sa publiko ang DQR Code kay ang tumong lamang niini mao man lamang ang contact tracing ug dili mahinungdanong mga lakaw sa tawo.
Gawas sa contact tracing, ang QR Code makatabang sa pagpalig-on sa seguridad batok sa mga dautang elemento pinaagi sa pagkontrolar sa gitawag nga ‘non-essential movement, dugang ni Sumagaysay.
Ang Davao QR Code system pagadumalahon sa Human Resource Management Office, City Information Office ug sa City Information Technology sa kagamhanang lokal ning syudad.
RadyoMaN Joel Viray
