Davao City – Dakung tabang ang Davao QR Code alang sa government contact tracing campaign ug pag-regulate sa ‘non-essential’ movement sa tawo panahon sa pandemic.
Sumala ni Davao trial lawyer Leonard Cagatin, Jr., ang QR Code adunay igong data or privacy safeguards sanglit ang indibidwal man mismo maoy mo-undergo og online registration.
Matud ni Cagatin, dali na lamang unya ang contact tracing tungod kay systematic na man ang pag-identify sa QR holder kung diin kini niadto, unsa nga establisimyento, kanus-a niadto ug asa gikan.
Giklaro usab ni Cagatin nga dili makalapas sa privacy rights sa mga lungsuranon ang naasoyng movement control measure gumikan limitado ra man ang datos gipangayo diha sa digital registration.
“Makatabang kini’g daku (Davao QR Code) para sa pag-ila kung kinsa ang mga tawong niadto sa establisimyento, kanus-a sila niadto ug asa pud sila gikan,” klaripikasyon sa abogado.
RadyoMaN Bernard Pantallon
