General Santos City–Aminado sa Dr. Ryan Aplicador Hospital Chief sa Dr. Jorge P. Royeca Hospital nga kulang gayud ang mga nurse sa ospital sa gobyerno sa Gensan hilabinasa kasamtangang sitwasyon nga anaa sa pandemya sa Covid 19.
Pagpaklaro ni Aplicador nga ang kakulangon sa mga nurses sa Royeca Ospital ang dili buot pasabot nga nawad-an na sila ug mga nurses kundili pwede pang mag-hire ang ospital sa gustong mag-apply.
Dugang niini nga usa sa hinungdan nganong hangtod karong panahona wala pa silay nahire ug walay nag-apply tungod sa K-12 nga programa sa gobyerno kung asa daghan pa ang wala migradwar gumikan sa pagdugang ug tuig sa pag-eskwela.
Nanghinaot na lamang si Dr. Ryan Aplicador nga bisan madungagan lang sila ug 20 aron usab nga mogaan-gaan ang ilang trabaho ug makapauli pa sa panimalay bisan sa gamay nga panahon. (RV)
