General Santos City–Gi-angkon ni Dr. Jett Oco, Action Officer sa City Health Office-Gensan nga usa sa ilahang problema karon mao ang bakanteng mga kwarto sa mga hotel ug pension house para sa mga LSI ug ROF.
Sumala niya nga dili tanang hotel ug pension house sa dakbayan ang ginagamait isip isolation facility o quarantine area para sa mga LSI ug ROF nga nagahulat sa ilahang rapid test sa ika-pitong adlaw. Sumala niini kinahanglan gihapong ipatuman ang 50% capacity.
Dugang pamahayag ni Dra. Oco nga hapit na gyud nmahurot ang resources sa LGU Gensan dili lang ang pasilidad kundili bisan na ang mga health care workers mismo.
Kini gumikan bisan ug padayon nga nagadawat ug aplikante ang LGU Gensan alang sa pakigbatok sa Covid 19, gamay lang ang naga-apply ug dili usab tanan ang pwedeng ibutang sa field tungod adunay uban ang immuno-compromised o dunay mga kauban sa balay nga pwedeng mataptan sa maong virus.
Sumala niya nga dako ang ilahang pagpasalamat sa mga opisyal sa dakbayan gumikan ginapaminaw kung unsa ang mga rekomendasyon sa mga health care workers.(LVR)
