Gikompirmar sa hepe sa Center for Behavioral Sciences sa Vicente Sotto Memorial Medical Center nga si Dr. Rene Obra nga aduna gyuy kakulian sa pangisip kadtong suspek sa pagpanigbas sa Cansojong Talisay , diin tulo ang namatay ug usa ang na-angol .
Matud ni Dr. Obra si Archie Abastillas nidool kanila taud-taud na aron magpatambal sa iyang “anxiety” ug “ depression.”
Gawas sa disorder sa pangisip , si Abastillas tiggamitan usab ug ilegal nga drugas .
Gamit ang daku nga kutsilyo . gipanunggab ni Abastillas ang iyang mga kauban nga sila si Thomas Woodruff , ang counselor sa after care center nga si Ervyn Ian Enilo ug ang laing pasyente nga si Lyndon Carpiso nga buhi ug igo lang nasamdan human kini nakadagan.
Si Abastillas naghiwa usab sa iyang pulso ug nagpakamatay human gitigbas niya ang tulo ka biktima.
