Davao City – Gi-aresto si Mark Anthony Bautista, 22 anyos, taga-Purok 2 , Brgy. Tacunan , Tugbok ning syudad, human naabtan sa mga otoridad nga nag-drag race sa lapad ug hawan nga dalan sa Davao – Bukidnon Road.
Nakadawat og report ang kapolisan nga nanukad na sa Brgy. Catalunan Pequino ang mga drag racers alang sa lumba sa ilang tagsa-tagsa ka single motorcycle.
Sa pagresponde sa kapolisan, daghan ang nakasibat apan wala ka ikyas si Bautista human naharang ug gidakop. Gikustodiya karon si Bautista ug motorsiklo sa Talomo Police Station tungod kay walay mga dokumento ang iyang gimanehong Suzuki 150 raider samtang giinbestigahan.
RadyoMaN Paul Canono
Facebook Comments
