Service crew gipusil patay

57

Davao City – Dead on arrival sa San Pedro Hospital, ang usa ka Service Crew human gipusil sa wa mailhing suspek alas 11:10 sa buntag sa Purok Buongon, Brgy. 14-B, Sobrecarey St. syudad sa Davao.

Sa report sa Sta. Ana Police Station, naila ang biktima nga si Jerald Cajeras, 34 anyos, residente sa Mamay Road Brgy. Angliongto, ning syudad samtang ang suspetsado nasul-ob og itum nga jacket ug maong ang pantalon, anaa sa 5’4” ang gitas-on.


Sa inbestigasyon sa kapulisan, gisaysay sa iyaan sa biktima nga si Irene Mejares nga si Jerlad nagdala og pangsugnod nga kahoy sa dihang mosulod na sa balay sa iyang inahan kalit gipusil katulo ka higayon sa wa mailhing suspek igo sa iyang lawas.

Human pagpusil ang suspek daling misibat, samtang ang biktima gidala sa San Pedro Hospital apan gideklara sa mga attending physician nga nakabsan na sa kinabuhi.

Narecover sa crime scene, ang tulo ka basiyo sa .45 kalibre pistola nga maoy gigamit sa pagpusil.

Manhunt operation nagpadayon aron mailhan ug madakpan ang suspek.

RadyoMan Don Pulayao

Facebook Comments