Drag racers, patay human madisgrasya sa dalan, usa ka babaye, nadamay

56

Patay ang duha ka drag racers samtang damay ang usa ka babayi atol sa disgrasyang nahitabo kagabie didto sa Purok-5, Barangay Cabangahan, Malaybalay City, Bukidnon.

Giila ang mga nakabsan sa kinabuhi nga sila Florendo Cababat, 21 anyos, nga taga Barangay Mailag, Valencia City, usa ka 16 anyos nga lalaki, nga taga Purok-17, Poblacion, Valencia City ug si Abegail Manalo, 22 anyos nga taga Dinagat Island, Surigao Del Sur.

Sumala sa taho sa kapulisan, nga nagsumikad ang drag race pasado alas 10:55 kagabie gikan sa Brgy. Aglayan padulong sa Brgy. Bangcud, samtang gapadayon, nabangga sa usa ang private multicab pag-abot sa naasoy nga lugar, hinungdan sa pagkarambola sa mga motorsiklo.


Dead-on-the spot ang duha ka drayber sa motorsiklo samtang patay usab ang usa ka babayi nga sakay sa multicab human nga natagak sa gisakyan ug nabanggaan sa mga motor.

Samtang luwas ra ang magtiayon nga laing sakay sa usa ka motorsiklo nga nadamay sa maong aksidente nga kasamtangang nagpatambal sa balay-tambalanan.

Mipahimangno karon si Traffic Management Center (TMC) Investigator Sergio Alenton ngadto sa mga motorista nga likayan ang pagpahigayon og mga drag racing aron mahilikay sa mga disgrasya nga makaamong sa ubang motorista.



Facebook Comments