Trabahante sa probinsya ug laing duha pa, nasikop sa pagpayuhot sa illegal nga droga

Nasikop sa gipahigayong drug buy-bust operation sa mga otoridad ang usa ka trabahante sa probinsyal nga pangagamhanan sa Bukidnon ug laing duha pa kagahapong adlawa didto sa Purok-23, Paglaum Village, Phase 1, Barangay Casisang, Malaybalay City, Bukidnon.

Gipangunahan sa Philippine Drug Enforcement Agency (PDEA)-10 inubanan sa Malaybalay City Police Station ang maong operasyon sa pagkasikop sa mga suspetsado nga nailhang sila Edwin Torres Camugao Jr., ang kinsa trabahante sa pangagamhanan sa Bukidnon, Lechel Delfin Fortuna ug si Rolando Hallasgo Fortuna ug pulos mulopyo sa naasoy nga lugar ang kinsa nakompiskahan og P13, 600.00 nga kantidad sa gituohang drogang shabu.

Gidala na sa prisuhan ang mga suspetsado samtang ginaandam ang kaso sa paglapas sa RA 9165 nga mas giila nga Comprehensive Dangerous Drugs Act of 2002.


Facebook Comments