Dragon boatnaeonod sa Boracay, 7 eon ro kumpermadong patay

711

Kalibo, Aklan – Pito eon rong patay matapos nga maeonod rong sangka dragon boat kaina it agahon sa baybayon nga sakop it Sitio Lingganay, Brgy. Manocmanoc, Boracay.
Ro mga namatay hay sanday John Vince Natividad, Rachel Montoya, Rose Antonete Supranes, Mark Vincent Navarete, Comar Arcob ag ro mag-asawang Johan Tan ag Maricel Tan.
Samtang 14 rong naka eowas nga padayon makaron ginataw-an it nagakaigo nga pagbueong sa hospital ag klinika sa isla.
Base sa inisyal nga impormasyon nga nabuoe it RMN Kalibo sakay it dragon boat rong 21 ka miyembro it Dragon Force nga maga training kunta para sa sangka international competition tag hinampak it mabaskog nga baeod ag sinuoed it tubi rong boat nga naging dahilan ko pagkaeonod kara.
Natabo rong insidente mga 300 metros halin sa shoreline.
Insigida nga gin respondehan it mga rescuer rong nasambit nga insidente ag ginpangdaea sa mga klinika ag hospital sa isla pero ginbawian it kabuhi rong pito.
Sa makaron hay nagapadayon pa rong imbestigasyon it Philippine Coast Guard sa nasambit nga insidente para nga masayuran rong minatuod nga dahilan ko nasambit nga trahedya.

Facebook Comments

From Advertisers