Drawlots sa pagpili sang mga SPES beneficiaries sa South Cotabato natalana subong nga semana.

Ipatigayon sa Marso 4-6 sang Philippine Employment Service Unit ang drawlots sa pagpili sang mga beneficiaries sang Special Program for Employment of Students sang provincial government sang South Cotabato para subong nga summer.
May-angot sini, sa Marso 4 ang schedule sa banwa sang polomolok alas 8:30 sang aga sa Polomolok National High School, Tupi alas 10:30 sang aga sa Municipal Hall, Tampakan ala-1:30 sang hapon sa Brgy. Maltana Gymnasium kag sa Tantangan alas 3:30 sang hapon sa Mayor`s Office Annex Building.
Sa Marso 5 ipatigayon ang draw lots sa Banga alas 8:30 sang aga sa DSWD Training Center sa nasambit nga banwa, Surallah alas 10:00 sang aga sa Libertad Gymnasium, Norala 1:30 sang hapon sa Rizal Park Open Gymnasium kag sa Sto. Nino alas 3:30 sang hapon sa Asenso Hall Municipal Building.
Sa Marso 6 sa Lake Sebu 9:30 sang aga sa Lake Sebu Municipal Gymnasium, pagka-alauna y medya sa T`boli sa PESO Office sang banwa kag pagka-alas 3:30 sang hapon, Koronadal City sa Covered Court sang Provincial Capitol.
Ginkumpirmar man ni Cavan nga daku nga slots ng magakadto sa syudad sang Koronadal nga yara sa 210 ang kuhaon nga SPES beneficiaries, Polomolok 80 ang kuhaon kag 40 naman ang sa iban nga banwa.
Paklaro man niya nga indi unfair nga madamo sang SPES beneficiaries ang halin sa Koronadal tungod ang mga makuha sa kada banwa ang i-deploy man sa ila nga lugar.
Magaumpisa naman ang first batch sang mga SPES beneficiaries sa pag-obra sa Abril 1 kon makaya suno pa.