Drayber arestado sa TFD checkpoint

Davao City – Naharang sa sakop sa Task Force Davao (TFD) ang usa ka drayber alas-2:00 sa kadlawon human kini nakuhaan og iligal nga droga sa Sitio Licanan, Brgy. Lasang, Bunawan District checkpoint.

Giila ang suspek nga si Felix Metia Lagutin, 36-anyos, minyo ug residente sa Prk. Ipil-ipil Visayan Village, Tagum City, Davao Del Norte.

Ang maong suspek driver sa color blue nga Forward truck nga adunay sulod nga kinhason gikan Samar Province nga ihatod unta sa Bangkerohan ning dakbayan.


Namatikdan ni CAA II Daniel Mayagma nga di’ mahimutang ang maong suspek hinungdan nga gi-thorough search kini.

Nakuha gikan sa suspek ang .5 gramos nga shabu nga adunay street value nga P7,500.

Priso na ang dinakpan sa selda sa Bunawan PNP.

RadyoMaN Aimee Guinita

Facebook Comments