Christmas parties gawas sa eskwelahan gidiskurahe

30

Davao City – Hugot nga gidiskurahe sa Department of Education (DepEd) nga himuon gawas sa eskwelahan ang mga Christmas parties sa mga estudyante mapa-publiko o pribado man nga tulunghaan.

Sa pakighinabi sa DXDC RMN Davao kang Jenielito ‘Dodong’ Atillo, tigpamaba sa DepEd-XI, nagpahimangno kini nga aron kalikayan ang unsa mang insidente, kung mahimo i-selebrar lamang nga simple ang Christmas parties sulod sa tulunghaan.

Gibutyag niini nga adunay DepEd Oder No. 66 Series of 2017 kalabot sa mga regulasyon o guidelines sa mga aktibidades nga himuon gawas sa tulunghaan.

Gipagawas sa DepEd ang maong safety measures gumikan sa aksidente nga nahitabo sa milabay nga tuig didto sa Luzon diin mikutlo og mga kinabuhi ang usa ka educational tour sa mga estudyante nga gihimo gawas ug layo sa eskwelahan.

RadyoMaN Kirby Manzon

Facebook Comments