Drayber giposposan og kahoy sa kauban

32

Davao City-Bun-og ug samad ang naangkon sa usa ka drayber human giunay ug bunal sa kaubang drayber nahitabo sa may Agdao Public Market syudad sa Davao.

Sa report gikan sa Sta Ana PNP ang biktima naila sa pangalang Jonathan Ibasco, residente sa Purok Sto. Niño, Gotamco, Agdao ning syudad samtang ang suspetsado nailang Rafael Paragas, hingkod ang edad ug nagpuyo sa Aplicador St.,Dumanlas, Buhangin ning dakbayan.


Saysay sa biktima samtang didto sa may Public Market Agdao partikular sa passengers waiting area kalit gibabagan sa suspek dayon gibunalan ang biktima tumong sa nagkadaiyang parte sa lawas.

Daling gitabang ang biktima ug gidala Southern Philippines Medical Center human nga nakarekober igo nalang sa pagdangop sa presinto uno sa kapulisan aron iyang ireklamo ang suspek.

Ang kaso giduso na sa barangay level diin didto na kini husayon.

RadyoMan Don Pulayao

Facebook Comments