CAUAYAN CITY – Timbog ang isang Street Level Individual matapos ang isinagawang drug buy-bust operation ng mga awtoridad sa bayan ng Maddela, Quirino.
Ito ay matapos mahuliang nagbebenta ng ilegal na droga ang suspek na si alyas “Non”, 43-anyos, isang drayber, at residente ng Poblacion Sur, Maddela, Quirino.
Sa operasyon, nasamsam sa suspek ang dalawang transparent plastic sachet ng hinihinalang shabu – isa bilang buy-bust item habang ang isa ay bilang seized item.
Nakuha rin sa suspek ang buy-bust money, isang pouch, isang jewelry box, lisensya, syringe, anim na rolled aluminum foil, lighter, cellphone, at marami pang iba.
Samantala, dinala ang suspek sa himpilan ng Maddela PS at mahaharap sa kasong paglabag sa RA 9165 o Dangerous Drugs Act of 2002.
