Arestado ang isang drayber matapos masangkot sa bentahan ng iligal na droga sa ikinasang buy bust operation ng mga awtoridad sa Solano, Nueva Vizcaya kagabi Oktubre 10, 2022.
Kinilala ang suspek na si Romel Guillermo, 35-taong gulang at residente ng Purok 3, Brgy. Lactawan, Solano, Nueva Vizcaya.
Siya ay nadakip matapos mahuling nagbebenta ng isang pakete na naglalaman ng hinihinalang shabu sa isang operatiba na nagpanggap na poseur buyer.
Nakuha rin mula sa kanyang pag-iingat ang anim na empty sachet, isang libo at limang daang piso, isang pouch na kulay dilaw at ang motorsiklong ginamit ng suspek nang isagawa ang operasyon.
Si Guillermo ay dati ng minamanmanan ng mga otoridad dahil sa kanyang iligal na gawain sa kanilang lugar.
Facebook Comments
