Davao City- Daling gidala sa Southern Philippines Medical Center (SPMC) ang drayber sa motorsiklo kinsa samdan human nisalpok sa likod sa dump truck sa Davao City Environment and Natural Resource Office (CENRO) alas-9:40 sa gabie, Lunes, Enero 16, 2023.
Giila ang biktima nga si Raghvir S. Cheema, drayber sa Yamaha MC nga adunay plate number nga 1101-902345 ug residente sa Marfori Heights ning syudad.
Sa Traffic Incident Report sa San Pedro Police Station, temporaryong naka-park ang dump truck sa CENRO nga gidrayban ni Danilo Gallego samtang gakolekta’g basura sa may F. Torres St., ning syudad.
Kalit lang nibangga sa rear portion sa maong truck ang motor ug tungod sa kakusog sa impact nakahiagom og mga samad ang drayber sa motor.
Samtang, gikustodiya ang drayber sa CENRO dump truck sa San Pedro Police Station.
RadyoMaN Aimee Guinita
Facebook Comments
