Drayber sa motorsiklo, patay human madat-ugan sa puthaw

PC: Lumbia Police Station

Patay ang usa  ka 53 anyos nga motorista human madat-ugan sa puthaw nga  karga sa usa  ka forward truck sa sityo Cabula, Barangay Lumbia ning syudad kagahapon sa kadlawon.

 

Matud ni Police Staff Sergeant Francis Marianas, ang imbestigador sa Police Station 8 Lumbia nga padulong ang truck sa Talakag, Bukidnon apan pag abot sa area nga lugsungon wala mihawid ang break niini hinungdan nga na out of control ug nangahagbong ang karga niining puthaw.

 

Dugang pa ni Staff Sergeant Marianas, didto nahulog ang puthaw sa katabo niining motorista nga si Julito Lopez, taga Maasin, Bukidnon, minyo,  kinsa padulong sa Cagayan de Oro.


 

On the spot patay ang biktima human nga walay swerteng nadat-ugan sa puthaw apil ang motor nga gimaneho niini.

 

Samtang gitambalan karon sa JR Borja General Hospital ang driver sa forward truck nga si Luiz Caligid, 47 anyos, taga Purok 10- Baloy ning syudad.

 

Kini human alleged nga nabali ang wala nga kamot human natumba ang gimanehong truck.

 

Nasayran nga andam pasakahan og kaso sa pamilya sa biktima si Caligid, kinsa daling gidala sa taga Oro rescue sa hospital human sa insidente.

 

Samtang kasong reckless imprudence resulting to homicide ang atubangong kaso ni Caligid.

Facebook Comments