Davao City-Mamahimong isuspende o tanggalan og lisensya sa Land Transportation Office XI ang drayber sa Holy Infant Bus nga nadisgrasya sa may buhangin ning dakyabayan diin 36 ka mga pasahero ang mga nangaangol.
Gibutyag ni LTO XI Regional Director Atty. Gomer Dy adunay lapses ang drayber nga si Diosdado Sabay tungod kay nasayod kini nga adunay deperensya ang iyang gidraybang bus apan inay ipakanaog ang mga pasahero nagpadayon gihapon kini hangtod nawad-an og preno.
“Among tan-awon kung ang drayber nituman ba siya sa iyang duty to carry the passengers safely to their destination. We have to recommend whether we suspend or revoke the license of the driver,” sumala ni Dy.
Matud ni Dy posibleng pasakaan usab sa LTO og kasong reckless and prudence si Sabay tungod sa maong insidente.
Muhimo usab og kaugalingong imbestigasyon ang land transportation franchising and regulatory board aron ideterminar kung angay pa bang tagaan og prangkisa ang kumpanya sa bus tungod sa dili saktong pagatiman sa ilang mga units.
Samtang gitakdang ipatawag ni Davao Overland Transport Terminal Manager Aiza Usop ang kumpanya sa maong bus.
“Atoa gyod ng gina-remind sa ilaha ilabina kung peak season that’s why anaa ang LTO ug LTFRB nga naa diha sa atong terminal aron ma-check ang mga sakyanan when it comes to road worthiness. Kita usab sa DCOTT atong gina-remind ang mga drivers nga magbantay, maghinay sa ilang pagmaneho ug inspeksyunon gyod ang ilang mga sakyanan una sila mularga,” matud ni Usop.
RadyoMaN Aimee Guinita
