Nagka areglo na kagahapong adlawa ang drayber sa Rural Transit Bus ug ang biktima nga napunggit sa nahisgutan nga bus kini ang gibutyag sa Roxas MPS.
Kung mahinumduman nahitabo ang pagka punggit ni Danmark Bagtasos, 17 anyos, residente kini sa brgy. Langatian sakop sa lungsod sa Roxas, niadtong adlawng Dominggo petsa 18 ning bulana mga 3:30AM.
Ang Bus nga naka bangga niya gimaneho kini ni Jerson Soriño, menyo, 27 anyos nga taga Mabuhay, LIloy nagtangag sa plaka numero JUL 232 adunay body number 10459.
Subay sa sa taho sa kapulisan, samtang ang biktima nagstoryahanay uban sa iyang amigo daplin sa dalan sa dihang kalit lang kini napuggit sa nagpadulong nga Rural Bus, naglawig gikan dinhi sa atong dakbayan sa Dipolog padulong sa lungsod sa Labason.
Ang biktima nakaangkon kini ug mga pangos nga dali usab gidala sa balay tambalan.
Sa pagkakaron gawasnon na ang drayber sa Rural nga si Jerson human nagkasabot.
