Nagtukod na ang kapolisan ug Special Investigation Task Group aron tutukan ang imbistigasyon ug paggukod sa mga suspek sa pag-ambush ug pagpatay ni Ronda Vice Mayor ug Atty. Jonah John Ungab .
Si Cebu City Police Office Director , Sr. Supt . Joel Doria nibutyag nga ang task force gilangkuban sa mga sakop sa Investigation and Detection Management Branch , Homicide Section ug Mabolo Police Station .
Samtang ang Direktor sa National Bureau of Investigation-7 , Patricio Bernales nibutyag nga mohimo sila ug kaugalingong imbistigasyon aron makatabang sa pagsulbad sa krimen .
Tanang anggulo gikonsiderar karon sa kapolisan sa ilang imbistigasyon kung kini may kalabutan ba sa iyang trabaho o kaha personal nga hinungdan .
Nitambong pa si Ungab sa pagbasa sa desisyon sa kaso ni Kerwin Espinosa sa Cebu City Hall of Justice pipila ka oras sa wa pa mahitabo ang pag-ambush kaniya .