Dead-on-the-spot ang drayber sa usa ka single motor human nga aksidenteng malatayan sa usa ka truck pasado alas 8:40 kagabie didto sa Sayre Highway, Purok-5, Barangay Bangcud, Malaybalay City, Bukidnon.
Giila ang biktima nga si Gengelo Samuel, 35 anyos, minyo, ug residente sa Purok-2, Barandias, Pangantucan, Bukidnon nga nagmanehu sa usa ka Euro Single motor.
Sumala sa report sa kapulisan, nga mi-overtake ang maong single motor ngadto sa nag-unang sakyanan padulong sa Malaybalay City nga direksyon sa dihang, naside-sweep sa motor ang sakyanan.
Gumikan sa impak, nalagpot ang drayber ngadto sa pikas nga dalan hinungdan nga nalatayan kini sa katabo nga truck.
Gisuwayan pa kini og dala sa balay-tambalanan apan gideklara ng dead-on-arrival sa doctor samtang gikustodiya usab sa Malaybalay City Police Station ang drayber sa truck alang sa tokmang disposasyon.
Facebook Comments
