SILAY CITY, NEGROS OCCIDENTAL – Isa ang patay kag duha ang pilason sa aksidente nga natabo sa intersection sang Circumferential-Silay Airport road, ciudad sang Silay pasado las 4 sini nga aga.
Suno sa imbestigasyon sang Silay PNP, naga dalagan ang truck halin sa south to north samtang ang traysikol halin west to east nga direksyon sang ini ang aksidente nga nagbungguanay sa nasambit nga intersection.
Patay ang driver sang traysikol nga ginkilala kay Michael Quiatchon legal ang edad kag residente sang ciudad sang Silay.
Samtang, pilason naman ang mga pasahero sang traysikol nga ginkilala kay Charize Cobrado 21 anyos kag Michelle Andrade 21 anyos lunsay residente sang Barangay 1, ciudad sang Victorias nga padayon sa subong nga ginabulong sa Teresita Jalandoni Provincial Hospital sa ciudad sang Silay.
Detinado naman sa custodial facility sang Silay PNP ang drayber sang truck para sa nagakaigo nga kaso nga ipasaka batuk sa iya.
[image: image.png]
