Davao City – Gitino karon sa City Treasurer’s Office (CTO) nga walay pag-usbaw sa lokal nga bayad sa buhis.
Sumala sa bag-ohay lang naproklama nga hepe sa CTO nga si Erwin Alparaque, kinahanglan pa mag hula tog lima ka tuig gumikan kaniadtong 2017 lang nagpataas og buhis ang syudad ug napatuman kini sa tuig 2018.
“Ingon sa balaud sa local government code, we cannot adjust the rate of taxes of not more than 10 percent for every five years so we have to wait for another five year,” gikanayon niini.
Segun ni Alparaque nga ang Davao LGU lang ang staggered ang pag-adjust sa general revion diin 30% ang tubo sa 2019, laing 30% sa 2020 ug 40% sa 2021 aron makumpleto ang 100%.
Sa pikas bahin, nagpahinumdom si Alparaque nga taman nalang sa Hunyo 30 ang pagbayad sa real property taxes alang sa first quarter.
Kini human pipila ka mga real property owners ang mihangyo nga i-reassess ang kantidad sa ilang property taxes ilabi na nga adunay gipatumang pag-usbaw.
Matud sa maong hepe nga ubay-ubay na ang nagbayad ug miingon nga nagta-as ang koleksyon karong tuiga kun itandi sa milaby’ng tuig diin niadtong Marso pa lang anaa na sa PHP 591, 527, 485.16 ang nakolektang rael property tax sa syudad.
RadyoMaN Jason Amisola
