Cauayan City, Isabela- Siniguro ng Department of Environment and Natural Resources (DENR) Region 2 ang mahigpit na pagbabantay sa sandbars dredging sa Cagayan River partikular sa bayan ng Aparri.
Ayon kay DENR Regional Executive Director Gwendolyn Bambalan, ang pagtatatag ng walong kilometrong common navigation channel sa loob ng River Dredging Zone ay magbibigay sa mga pribadong kontratista ng pag-access sa mga segment 3, 5 at 7 ng phase 1.
Ito ay naaayon sa komprehensibong plano ng dredging na inihanda ng Department of Public Works and Highways (DPWH) at naaprubahan ng Inter-Agency Committee na pinamumunuan ni Gobernador Manuel Mamba.
Sa ulat ng DPWH sa pagsisiyasat sa site nina DENR Sec. Cimatu at DPWH Sec. Mark Villar, ang pagtanggal ng mga sandbar sa kahabaan ng Magapit Narrows ay 80.39 porsyento na kumpleto sa kabuuang dami ng 276,795 cubic meter na nahukay.
Idinagdag pa ni Director Bambalan na ang survey team ng DENR ay handa na para sa pag-deploy upang mabilis na maisaayos ang bahagi ng Ilog Cagayan.
Matatandaang noong Disyembre 10, 2020, nilagdaan ni Direktor Bambalan ang dalawang taong kasunduan sa proyekto sa Cagayan River Restoration Project kasama ang mga pribadong operator-dredger, ang Great River North Consortium at Riverfront Construction, Inc.
