Usa ka pagpangsunog ang nahitabo sa bukirang bahin sa sa Barangay Bayugo, Madrid, Surigao del Sur kaganihang buntag mga bandang alas 7:00 ang takna.
Ang biktima mao ang First Highlander Mining Corporation gipanag-iyan sa usa ka Datu Wendilino Agyang, ang mining President ug residente sa Cantilan, Surigao del Sur.
Wala matino nga gidaghanon sa mga armado ang mihimo sa pagpang sunog diin 4 ka drilling machine sa First Highlander Mining Corporation ang gisunog. Ang balor sa mga naugdaw anaa sa P 4 million.
Sa impormasyun sa kapulisan nasayran nga ang First Highlander Mining narehistro kini sa SEC ubos sa usa ka mining corporation nga gipanag-iya sa grupo sa mga Datu sa CarCanMadCarl nga sumala pa gipundohan ni Mayor Anilao Dawog sa lungsod sa Lanuza.
Wala pa masayri ang motibo sa pagpangsunog ug padayun pa giimbistigahan sa Madrid Muncipal Police Station.
Usa ka bakhoe usab ang gisunog nga iya sa 4D Ventures sa barangay Bayugo nga nagkantidad ug 7 milyon pesos.
Gibutyag ni P/Lt. Gildo Ruaza, hepe sa Madrid Municipal Police Station nga gitoohang rebelding New Peoples’ Army (NPA) ang mihimu sa pagpangsunog.
[image: madrid final.jpg]
