Davao City – Giplanohan karon ang pagtukod og drive-thru swabbing area sa Davao Crocodile Park isip kabahin sa pagpalapad sa community surveillance testing batok sa Coronavirus Disease 2019 (COVID-19).
Matud ni Dr. Ashley Lopez, City Health Office (CHO) head, sa interbyu sa city-owned radio, ginaplastar na karon ang mamahimong sistema sa himuong drive-thru swabbing sa lugar diin gipaabot nalang usab nila ang Executive Order (EO) nga ipagawas ni Davao City Mayor Sara Duterte-Carpio labot niini.
“Sa Crocodile Park (nga drive-thru swabbing area) amoa pa nang gina-develop karon. It is in the stage of planning, although nakabuhat na mi’g ocular inspection diha with Colonel Baluran ang Colonel Abude sa CTTMO to develop a what we call a process flow,” saysay ni Lopez.
Gibutyag ni Lopez nga i-cater sa maong drive-thru swabbing area ang mga drivers sa Public Utility Vehicles (PUVs) ug plano usab nga isunod ang mga riders sa delivery services sa syudad, diin kini dakong tabang sa pagpalapad pa sa COVID-19 testing sa dakbayan.
RadyoMaN Kirby Manzon
