Davao City – Magsugod karong adlawa (Abril 26, 2021) ang drive-thru swabbing sa mga Public Utility Vehicle (PUV) drivers sa syudad sa Davao isip kabahin sa surveillance community swabbing diin usa sa Coronavirus Disease 2019 (COVID-19) response sa lokal nga gobyerno.
Sa Executive Order (EO) No. 22 Series of 2021 sa City Government of Davao nga gipagawas, magsugod Abril 26 hangtud Mayo 8, 2021, ang drive-thru swabbing sa Davao Crocodile Park, Gadi Road, Talomo, syudad sa Davao.
Libre kini alang sa mga taxicab drivers, van drivers, airconditioned and non-airconditioned jeepney drivers, habal-habal or motorcycle drivers, tricycle drivers, bus drivers ug uban pang nagamaneho og public ground transport vehicles ug motorcycle drivers sa food ug online item delivery services.
Kinahanglan lamang niini atol sa swabbing, ang pagdal sa ball pen, driver’s license o bisan unsang government-issued ID. Abli gikan Lunes hangtud Sabado, alas-8:30 hangtud alas-11:30 sa buntag.
Gipahibalo usab nga dili i-quarantine ang matag indibidwal, samtang nagpaabot sa ilang COVID-19 test results.
RadyoMaN Kirby Manzon
