Davao City – Angol ang Company Driver nga usa ka Daryll Ventura human gibunalan og tire wrench sa ulo tungod sa Road rage sa Quimpo Boulevard, syudad sa Davao nahitabo alas 4:00 sa hapon.
Subay sa imbestigasyon sa kapolisan sa Talomo, gibunalan kini sa usa ka taxi driver ug dayon misibat hinungdan nga si Ventura nagpatabang sa kapolisan.
Sa gihimong follow up operation pinaagi nila ni P/Cpl. Tejada ug Patrolman Salcedo sakop sa Talomo Police Station, nadakpan ang suspect sa Ecoland Drive nga si Christopher Quiao, residente sa Maa ning syudad.
Nakuha sa posisyon ni Quiao ang tire wrench nga dunay gitas-on nga 12 pulgadas ug kasamtangan karong gikustodiya sa kapolisan sa Talomo samtang giimbestigahan.
RadyoMaN Paul Canono
Facebook Comments
