Hatid Tulong send-off: 92 LSIs nakauli

Davao City – Gipailawom na sa COVID-19 test ang 92 ka Locally Stranded Individuals (LSIs) nga miabot sa dakbayan sa Davao gikan sa kaulohang Manila pinaagi sa Hatid Tulong send-off sa national government.

Matud ni Public Safety and Security Command Center (PSSCC) chief Angel Sumagaysay, gipang-quarantine na ang mga LSIs sa A. L. Navarro Central Elementary School.

Gikanayon ni Sumagaysay, ang lokal nga gobyerno ang mitubag sa mga panginahanglan sa mga LSIs.


“Napahimutang na nato sila sa Navaro Elementary School, gi-provide na sa City Government tanan- tanan nga gikinahanglan nila. Una ang pag-accommodate, pagkaon nila, higdaanan nila, mga hygiene kits, pag-atiman sa ilaha ug pag-secure sa ilaha,” sulti ni Sumagaysay.

Dugang niini, gitagana ang mga classroom sa elementarya ug high school sa maong eskwelahan alang sa mga lauman pang mga LSIs.

RadyoMaN Aimee Guinita

Facebook Comments