Davao City – Nasakpan sa akto ang usa ka lalaki human giingong nangawat og mga electrical wire sulod sa compound sa Tagum Agricultural Development Company, Inc. (TADECO) sa Panabo City, Davao del Norte, Marso-5, 2026.
Base sa report sa Panabo City Police Station, giila ang suspetsado nga si alyas Jo, boom truck driver sa maong kompanya ug residente sa Barangay Quezon, Panabo City.
Nasuta sa imbestigasyon nga nasakpan kini sa security guard nga si SG Exequiel Laina samtang giingong ginapangawat ang 32 metros nga electrical wire nga mokantidad og P17,000 sa Cabayao Main Gate sa TADECO sa Barangay A.O. Floirendo.
Sa karon, anaa na sa kustodiya sa kapulisan ang suspetsado alang sa hustong dokumentasyon ug pagsang-at sa kasong qualified theft batok kaniya.
RadyoMaN Kareen Beltran
Facebook Comments
