Davao City – Gipusil-patay ang usa ka driver sulod sa usa ka terminal alas alas 9:10 sa buntag kagahapong adlawa, Nobyembre 16, nahitabo sa may Quirino St. Brgy. New Panda, Panabo City.
Naigo sa ulo nga bahin gani miresulta sa kamatayon sa biktima nga si Joseph Lacar, 52-anyos, minyo, PUJ Driver ug residente sa Purok 7, Carmen, Davao del Norte samtang kahinabi niini ang usa ka Ignacio Mosquida, 38-anyos ug residente sa Purok 3 Checkered Farm, Brgy. Tibungol, Panabo City.
Sa inisyal nga imbestigasyon, kalit na lamang nipwesto sa likod sa biktima ang usa ka lalaki nga naka suot og black leather nga jacket, naka pantalon ug adunay suot nga bull cap didto sa PUJ terminal gikan Panabo City paingon sa Sto. Tomas samtang sila nag storya diin gilayon gipabuthan kini sa makatulo ka higayon igo likod nga bahin sa ulo niini.
Gani daling misibat paingon sa Quezon St. sa Brgy. New Pandan ang maong suspetsado samtang gidala ang patay’ng lawas sa biktima ngadto sa Somozo General Hospital sa maong syudad.
Narekober sa crime scene ang tulo ka gigamit nga bala sa .45 nga pistola sa maong krimen.
Sa pagkakaron padayon pa ang pagpangita sa kapulisan sa maong suspek ingon man ang pagsuta sa motibo sa maong krimen.
RadyoMaN Jason Amisola
