Roxas City, Capiz- Arestado ang tatlo ka mga persona sa ginkasa nga buy bust operation alas 2:45 sang hapon sa Barangay Bolo, Roxas City. Ginkilala ang mga subject person kanday Froilan Magno y Condez, 27- anyos nga residente sang Brgy San Jose, Roxas City; Franklin Calinao y Aurelio, 27 anyos sang Sitio Arcabalo, Brgy Bolo kag Arnel Polendey y Doruques, 42- anyos sang Brgy Badiangon, President Roxas, Capiz. Kabilogan nga 12 tanan ka sachet sang suspected shabu, 500 pesos nga marked money, isa nga cellphone kag sling bag ang narekober sang mga kapulisan sa amo nga mga persona nga nagadeliver sang manok sang isa ka dako nga poultry company sa Capiz. Ang amo nga operasyon ang ginkasa sang mga katapo sang Provincial Drug Enforcement Unit ukon PDEU sang Capiz Provincial Police Office. Magapangatubang ang mga ini sang kaso nga paglapas sa RA 9165 ukon Comprehensive Dangerous Drugs Act of 2002.
