Higalang Pulis Mobile Library, gilunsad sa Misamis Oriental

19
PC: Misamis Oriental PPO

Gilunsad kagahapong adlawa sa mga personahe sa Misamis Oriental Police Provincial Office kon MisOr PPO ang Higalang Pulis Mobile Library ubos sa superbisyon ni provincial director Police Col. Robert Roy Bahian.

 

Alayon niini, gipanghatag sa MisOr PPO ang mga school supplies ngadto sa mga estudyante sa Kirahon Elementary School, Sitio Kirahon, Barangay San Martin, Villanueva, Misamis Oriental.


 

Samtang, gilunsad usab kagahapon sa Opol Municipal Police Station kauban ang Filinvest Development Corporation ang Higalang Pulis Mobile Library ug gipakaon ang halos 200 ka mga kabataan sa Malanang, Opol, Misamis Oriental.

 

Ang pagpatuman sa Mobile Library sa Misamis Oriental nagtumong nga batokan ang impluwensya sa mga komunistang rebelde ngadto sa mga kabataan ug motabang sa mga street kids ug out-of-school youth sa pagkuha sa batakang edukasyon.

 

Tumong usab niini nga palig-onon ang reading habits sa mga kabataan ug tudloan sila sa paghigugma sa nasud.

Facebook Comments

From Advertisers