Tukuran, Zamboanga del Sur – Kasong paglapas sa section 5 ug 11 sa Akta Republika 9165 kun Comprehensive Dangerous Drugs Act of 2002 ang giatubang karon sa 43-anyos nga driver human nadakpan sa buy bust operation alas 9:55 kagahapon sa buntag.
Ang elemento saTukuran Municipal Police Station, Zamboang del Sur Police Provincial Office, Police Regional Office -9 maoy nihimo sa buy-bust operation sa Purok Bombil, Barangay Sugod, Tukuran, Zamboanga del Sur.
Malampuson nga nadakpan ang target nga si Angel Endino Pepito, 43-anyos, driver , minyo ug residente sa nasangpit nga lugar. Nakumpiska sa otoridad gikan sa posisyon sa suspek ang lima ka pakite sa gituohang “SHABU” nga mikantidad sa P5,000, lakip nga nakuha sa bulsa ang 1000 pesos nga buy bust money ug uban pang drug paraphernalia.
Ang dinakpan gipaslak na sa Tukuran Municipal Police Station Lock-up cell ug nag-atubang na sa tukmang reklamo.
