Driver nakatulog!
Usa ang patay, pito ang samaron human makaside swiped ug mibangaa sa punuan sa lubi ang usa ka pampasaheroang Toyota HIACE Van didto sa Purok-5, Barangay Baucawe, Lianga, Surigao del Sur.
Sa imbestigasyon sa Lianga PNP, gikan ang moang van sa Tandag City nga padulong unta sa San Francisco, Agusan del Sur apan nakatulog ang driver mao nga pag-abot sa lugar naside swiped niini ang biktima nga si Eduardo Cagas residente sa lugar dayon nabangga ang sakyanan ngadto na sa punuan sa lubi.
Giila ang driver sa van nga si Teofilo Bernaldez Gelacio, Jr. 55 anyos, minyo ug residente sa P-3, Brgy. 4, San Francisco, Agusan del Sur.
Tungod sa kusog nga impact, dead on arrival nga gidala sa Lianga District Hospital, si Fritz Marte, minyo ug residente sa Baan, Butuan City.
Samtang ang pito ka mga pasaherong angol nga gitambalan sa hospital mao sila si SPO2 Evelyn Guzman, 42, minyo, taga Tandag City, Jevelyn Ruaza, 39 anyos, Cantilan, Surigao del Sur, Irene Liana, 27 anyos, lima ka buwang buntis nga taga San Agustin, Surigao del Sur, Federica Sayawan, 52 anyos taga lungsod sa Hinatuan, Alexis Trimidad, 43 anyos, taga Barobo, Sempronio Galila, 25 anyos, taga Cortez ug Remyleo Tecon, 49 anyos nga taga Tandag City.
Ang driver ang lakip sab sa mga samaron nga daling gidala sa hospital.
