BACOLOD CITY – Nadula sa sulod mismo sang iya gina-maneho nga pampasahero nga jeepney ang cellphone sang isa ka driver kahapon sang aga sa area sang Brgy. Villamonte, ciudad sang Bacolod.
Nakilala ang driver nga si Reynaldo Santos, 62 anyos ang edad, kasado kag pumuluyo sang Granada Heights, Brgy. Granada, Bacolod City.
Suno kay Santos nga may mga las 11:30 kahapon sang aga, ini siya ang nagamaneho sang iya jeep kag sang nag-stop sa daslan Burgos-Lopez Jaena, didto kag iya nadiskubrehan nga missing na ang iya Iphone nga cellphone nga naga-balor sang kapin P14,000 pesos.
Bangud sini, nagdagon-dagon sa Police Station 4 ang biktima agud ipa-record ang natabo sa iya.
Posibli isa sa iya mga pasahero ang nagkawat sang iya cellphone. /dyHB BACOLOD
