BACOLOD CITY – Ginkawat ang duha ka battery sang isa ka 10-wheeler truck nga naka park sa Bredco Port, Brgy. 10 Bacolod City kahapon sang aga.
Nagpadulong sa Police Station 1 ang tag-iya sang amo nga truck nga nakilala kay Janet Ching, 30 anyos, residente sang Brgy. 3, Silay City upod ang driver sini nga si April Barcelona, 36 anyos, tumandok sang EB Magalona.
Suno kay Ching nga may mga las 8 sang aga kahapon, ginbilin sang driver ang iya truck nga nakapark sa Bredco Port apang sa iya pagbalik nadiskubrehan sini nga wala na ang duha ka 4D Battery sang amo nga truck.
Gilayon naman nga natumod ang suspek kag nakilala kay Alyas JR kon diin iya gin-ako nga siya gid man ang nagkuha sang battery apang ini ang iya na ginbaligya sa Jalandon Junk Shop sa Brgy. 2, Bacolod City.
Ginkadtuan sang tag-iya kag sang driver ang amo nga junk shop apang wala nila ini ginbalik sa ila tubtub nga indi sila makabayad./dyHB BACOLOD
