Nasikop mga 1:10 kaganinang kadlawon ang driver sa usa ka Public Utility Vehicle nga nagbaligya sa illegal nga druga sa King William Inn, sa Dalab Capistrano St. ning syudad sa Cagayan de Oro.
Matud ni Chief Inspector Harvey Abellanosa, Hepe sa Cogon Police Station nga ang suspek mao si Lito Salcedo, 53 anyos nga taga Mauswagon, Laguindingan, Misamis Oriental.
Nakuha sa mga pulis gikan kang Salcedo ang duha ka pakete sa gituohang shabu nga gibana-banang nagkantidad sa 2,500 pesos ug 300 pesos nga marked money.
Gibutyag ni Abellanosa nga ang pagkasikop sa maong suspek gisaksihan ni Kagawad Edwin Climaco sa Barangay 7 ning syudad.
Karong adlawa, ang suspek gitakdang pasakaan og kasong drug pushing sa City Prosecutors office.
Facebook Comments
