Sports – Sa natad sa dulang Basketball, usa na lamang ka daog maangkon na sa Houston Rockets ang ilang gigukod sa tibuok season ang biyahe padulong didto sa NBA Finals. Ilang gipugos ug kuha ang labaw sa kartada nga 3-2 sa maong serye human sa dakong kadaogan mismo sa ilang home court Game 5.
Kulbahinam gayud ang maong dula gikan sa pagsugod pa lamang sa first quarter nagsinukliay na sa katakos ang matag team sa tibuok dula. Giduslitan nilang Stephen Curry, Kevin Durant ug Klay Thompson nga mikamada ug suma-total nga 74 puntos apan wala gihapon misaler hangtud sa katapusan. Ang turnover ni Draymond Green maoy nakahatag ug kapakyasan sa kadaogan sa Warriors ug mao kini ang pag selyo sa kalampusan sa Rockets.
Ang dakong turnout sa maong dula ni-ining Western Conference Finals ana-a sa pagkatao ni Chris Paul. Iyang gitadtad ang Warriors nga mikamada ug 20 puntos ug 6 ka mga assists kung diin dakong nakonekta ni-ini ngadto na sa second half kung diin naglisud ang ilang star player James Harden sa pag score. Miabag usab ug pinasahi nga dula si Eric Gordon ug 24 puntos gikan sa bench ug mi-igo pa ug 3 point shot sa ulahing mga oras sa dula.
Bisan pa man sa pagmaya tungod sa dakong kadaugan sa Rockets ug mga fans ni-ini, gi-atangan gayud ang Game 6 kung makadula ba si Chris Paul tungod sa naangkon ni-ining injury sa ulaing minutes sa 4th quarter.
Aduna ka bay reaksyon kabahin ning maong estorya? Mamahimo nimong ipabuhagay pinaagi sa pag comment sa ubos ning artikulo.
