General Santos City–Gibuhian na sa kustudiya sa Traffic Management Unit sa Camp Fermin Lira ang usa ka Carlito Alvarando, 42 anyos, nga nanimuyo sa Maasim Sarangani Province ang driver sa jeep nga naka bangga patay sa mag-tiayon nga silang Renato ug Beverly Tangkong sa Purok Bombil, National Highway Barangay Bawing niadtong milabay nga adlaw.
Sumala pa ni Spo2 Jose Sembrano ang chief investigator sa Traffic Management Unit nga ilang gibuhian ang nasangpit nga driver human nga nagdesisyon ang kabanay sa duna silay magamit sa pagpahiluna sa patay nga lawas sa magtiayon.
Nag kasinabot matud pa ang duha ka mga panig ug nag permahanay atubangan mismo sa presensya sa abogado ug mga pulis.nasayran nga mukabat ngadto sa 100 thousand pesos ang nahimong tabang sa nanag-iya sa jeep ngadto sa nahibiling pamilya sa mga biktima.(Dave Silagan)
