General Santos City–Malampusong nasikop sa mga personahe sa Station Drug Enforcement Team sa Lagao Police Station sa pagpanguna ni Deputy Station Commander Police Lieutenant Felix Minion III ang usa ka driver sa gipahigayong buy-bust operation sa Brgy.Lagao ning syudad.
Naila ang dinakpan nga si Kirt Louie Pahilga Gimena, alyas Toto Ilongo, 27 anyos, minyo nga nanimuyo sa Purok Matatag, Brgy. San Isidro.
Nasayran nga alas 3:30 sa buntag una ng nasikop ang nasampit human napalitan sa usa ka poseur buyer nga sakop usab sa operative team ug usa ka bundle sa pinauga nga dahon sa marijuana nga nagkantidad ug 200 pesos.
Atol sa pagkasikop sa suspek nakuhaan usab sa iyang posisyon ug usa ka 200 pesos nga buy-bust money.
Sa kasamtangan nagtingkagol sa selda sa Lagao Police Station ang suspek samtang gihikay na sa kapulisan ang kasong atubangon niini sa kalapasan sa Sec.5, Art.II sa RA 9165 kon Comprehensive Of Dangerous Drugs Act of 2002. (Reynald Timario)
