Driver nga nanghagad ug sex sa pasahero gireklamo

*DRIVER NGA NANGHAGAD UG SEX SA PASAHERO GIREKLAMO*

General Santos City—gireklamo sa usa ka 19 anyos nga dalaga ang driver sa tricycle nga gisakyan niini human siyang gihagad niining makighilawas.

Una nang midangop sa buhatan sa Police Station 2 ang 19 anyos nga dalaga nga itago lang sa pangalang si Alias Marian, 19, residenti sa Bla’an Community, Barangay Labangal, Gensan human matud pa kining gibastos sa driver sa tricycle nga gisakyan niini pauli unta sa ilang panimalay.


Sumbong sa biktima nga alas 12:00 sa udto gikan kini sa sentrong bahin sa syudad ug misakay sa tricycle nga gimanihuan sa suspek nga si Aki Musa, legal age, residenti sa Prk. 2, Bla’an Community, Barangay Labangal.

Pag abot sa national Highway atubangan sa usa ka gasolinahan, kalit lang kining gihagad sa suspek nga makighilawas.
Tungod niini hilabihan kasuko ang gibati sa biktima siya minaog sa tricycle ug mideretso sa buhatan sa Police Station 2 aron isumbong ang suspek.

Ang maong kaso giindorso sa Makar PNP ngadto sa Barangay aron didto mag husay ang mga nahisgutan.

Facebook Comments