Driver nga pinangita sa balaod, dakpan sa manhunt operation

30

Labangan, Zamboanga del Sur – Malampusong nadakpan ang usa ka pinangita sa balaod sa gipahigayong manhunt operation sa kapulisan sa Labangan alas 3 kagahapon sa hapon sa Purok Mahogany, Brgy Upper Sang an, Labangan, ZDS.
Ang dinakpan nailang si Almukrie Badal Tampugao, 47 anyos, minyo, usa ka driver ug residente sa nasangpit nga dapit.
Gidakop si Tampugao gumikan sa warrant of arrest nga gipagawas ni Kasan K. Abdulrakman , executive Judge, 12th Judicial Region, Branch 27, Cotabato City alang sa kasong paglapas sa section 5(i) sa RA 9262 kon Anti-Violence Against Women and Their Children Act of 2004.
80 mil ang girekomendang pyansa sa Korte bugti sa temporaryong kagawasan sa dinakpan.
Kasamtangang gibalhog karon sa Labangan custodial facility ang nasangpit nga wanted person alang sa tukmang disposisyon.

Facebook Comments